«Os peores traballos ilustrados son os que, por un control excesivo por parte do cliente, carecen da marca persoal do autor.»
Tras terminar os seus estudos de arte, ilustrou libros infantís e libros de texto para editoriais como Meubook ou Éditions Maison des Langues. É cofundador do colectivo Miñoco e codirixiu o fanzine Compota de Manatí. Ten participado en publicacións de cómic como a revista Altar Mutante ou o volume Licor café. En 2014 comezou a súa andaina como ilustrador para videoxogos. Actualmente traballa como game artist para o estudio neoiorquino Digital Continue, e compaxina os seus proxectos con outras producións de videoxogo medianas e pequenas, a creación de banda deseñada e traballos de ilustración.