«Cada vez máis clientes de diferentes sectores buscan a ilustración... pero non valoran o que vale.»
Deseñadora gráfica, estudou na Escuela de Artes y Oficios de Madrid e cursou un mestrado audiovisual en Trazos (Madrid). Ten traballado na creación de naming e marcas para empresas do sector téxtil (Nanos Moda, Inditex), de restauración (Bluesockhostels, Spoom) e editoriais. Tamén ten feito animación e grafismos para audiovisual e deseño web. Desde a marca DiSBO produce os seus propios produtos de ilustración aplicada e editou o seu conto ilustrado Lupita, un rincón de palabras.
