«Seguramente, o que máis me motiva no meu traballo é o imprevisible que pode chegar a ser o resultado.»
Desde o ano 2008 traballa como ilustrador freelance para un amplo abano de clientes: ilustración infantil e xuvenil, deseños para videoxogos, banda deseñada, cartelería e deseños para proxectos musicais, entre outros. No ano 2010 obtivo o Premio Extraordinario de Ilustración da EASD Pablo Picasso da Coruña e pasou a formar parte do estudio de ilustradores Baobab, na mesma cidade. En 2016 creou cuns socios a marca Quenindiola. Nos últimos anos ten realizado traballos para Vodafone, Estrella Galicia, Feiraco e Mercadona, o que compaxina coa impartición de obradoiros e cursos de debuxo e creatividade.
