«Cando se queira estudar o debuxo da nosa época, haberá que facelo a través dos autroes de cómic e dos ilustradores.»
Os seus libros de banda deseñada, entre os que destacan Trazo de xiz e Ardalén, están traducidos a numerosos idiomas. Ten realizado ademais ilustracións para literatura infantil e xuvenil, prensa e todo tipo de soportes. Colaborou con escritores como Neil Gaiman, Manuel Rivas, Agustín Fernández Paz ou Laura Esquivel. Ten traballado paralelamente en labores relacionados coa animación, para televisión e cinema; así, en 1999 produciu a serie Os vixilantes do Camiño, e en 2006 produciu e dirixiu a longametraxe De Profundis. Desde 1998 dirixe o festival Viñetas desde o Atlántico. É membro de número da Real Academia Galega de Belas Artes.
