«A liberdade que me dan un lapis e un papel en branco non a atopo noutras cousas.»
Como autor de cómic e ilustrador, ten colaborado en numerosas publicacións e volumes colectivos. Como ilustrador ten traballado para editoras como Richmond Publishing, Usborne, Santillana, Galaxia, Xerais, Porto Editora, Edelvives ou Everest, e para produtoras como Continental, Portozás Visión e Mondotropo. Colaborou con numerosas axencias de publicidade e foi director artístico da campaña de etiquetas do 110 aniversario de Estrella Galicia. Publica a sección «Planeta Mincha» no suplemento semanal de pasatempos Elemental (La Voz de Galicia). Foi presidente de AGPI e vicepresidente de FADIP.
