«Cada vertente da ilustración supón as súas propias recompensas particulares e diferenciadas.»
Cursou os estudos de Ilustración na Escola de Artes Pablo Picasso da Coruña. Entre os traballos relacionados co mundo da ilustración que foi realizando están encargos de caricaturas e ilustracións para clientes particulares, participación en exposicións colectivas, realización de cubertas para discos, ilustración de viñetas para campañas, debuxos publicitarios para tendas e logotipos de negocios, e proxectos de cómic autoeditado. Desde o ano 2014 forma parte do colectivo de ilustradores Miñoco.
